Documents | Modify | Original | Downloaded Thu Oct 7 14:16:07 2021

cipra lo skari lo vanju

By guskant

                            cipra lo skari lo vanju
vanju skari xamsi
   la prane ke lojbo bangu zo'u parepi'ere mo'o cusku lu vanju skari xamsi
   li'u pe cu'u la .xomeros.
   .i lo nu pensi ko'a goi lo si'o logji srana fa lo xamsi fe lo vanju ja
   skari cu na se zanru
   .i ku'i mi ko'a pensi .au .ai
xu lo vanju be ca lo mutce purci bei bu'u lo gugdeguru cu blanu
   lo nu go'i cu jai cusku fo la niu,iork.taimyz.
   .i gau mi pu cipra lo ka xu kau lo jilka cu rinka lo nu lo vanju cu
   blanu
   .i gau mi la'e lu ga'e ny. to'a .abu ga'e .y'y.bu cy. .obu boi xi ci
   li'u poi ro re'u grake li pipa cu zenba nenri lo vanju poi litce li
   pipa
   .ije mi zgana lo slami ja jilka .e lo skari po lo vanju poi lo nutli
   pelji gau mi cokcu ke'a
   .i di'e jalge
   .i lo slami vanju cu xunre
   .i lo nutli vanju cu xekri zirpu
   .i lo jilka vanju cu crino blanu
   .i lo pixra be lo finpe bei bu'u lo galtu traji cu te pilno lo slami
   vanju .e lo jilka vanju
nu pensi
   lo mutce purci gugdeguru remna cu pinxe lo vanju ku joi lo djacu be
   la'u li pi'i xa bi'o bi
   .i la'a lo jilka djacu cu na mutce kukte
   .i semu'i bo la'a nutligau lo djacu sepi'o lo vanju tezu'e lo nu pinxe
   lo kukte djacu
   i cipra de'i li 2012-02-07
   i jikca sepi'o lo samselmri
   i se krasi la'o by guskant/lojbo by bu'u la gityb
Please report errors at the github page or to the webmaster.